هل الكلاب البلدى أضعف من البيور ؟؟؟؟

السلام عليكم و رحمة الله و بركاته

أنا يا جماعه بتابع معاكم القسم دايما مع أنى مش مربى كلاب و لا هربى كلاب لأنى معنديش ممتلكات أحرسها من السرقة
بس فى موضوع أنا مستغربله جدااااااا....
ليه الناس دايما تفضل تسأل هو كلبى بيور و لا بلدى و لو الناس قالت بلدى يزعلوا و لو قالوا بيور يبقى يوم الهنا

مع أن فى أعتقادى مفيش فرق تماما بين البلدى و البيور غير أختلافات فى الطباع و الشكل و ممكن الكلب البلدى يكون طباعه أحسن كمان من البيور
و أنا سمعت مرة أن الكلاب البلدى بتاعتنا دى كلاب ذكية جدا و أن فى بعض منظمات حقوق الحيوان بيطلعوها برة
و بتستخدم فى الكشف عن المخدرات و الكلام ده كله
و بعدين لما واحد رايح شارى كلب علشان يسليه مثلا هيفرق أيه جابو بيور ب 20,000 و لا بلدى و مخلط ب 200 جنية
مش كلها كلاب و كلها وفية لصاحبها !!!!!
و لا الناس عايزة تجيب كلب تتمنظر بيه قدام الناس ؟؟؟
ده حتى ساعات بيكون شكل الكلب البلدى حلو مش وحش و احيانا بيكون شكله أظرف من البيور 

الموضوع مفتوح للمناقشة عاوز أعرف رأى الناس الحلوة اللى فى المنتدى
وهل فى فروق فعلا و لا دى عقده المنظرة