اعلان لبيع الكلاب

الي حابب يبيع او يشتري كلب باي نوع ممكن يكتب في تعليق يفضل السعر بالصوره ورق التليفون للتواصل 




وشكرا 
امضاء :الادمن

لغه الكلاب

شرح ازاى تعرف عمر او سن الكلب 🤘

صباح الخير❤
انهاردة هنشرح ازاى تعرف عمر او سن الكلب 🤘
فيه اساسيات لازم تعرفوها عشان متتعبونيش ف الرسايل والكومنت اولا ف فك الكلب يوجد اربع مسميات وهما (قواطع-انياب-اسنان-طواحين)
كدة فل اوي
نخش ع اهم معلومه
*الجروب هيتقفل انهاردة وهيكون سرى والنعمه والله والمصحف😂😂اللهم بلغت
هنقول الاول اعداد الاسنان و...  ..
ثواني بس قبل ما نخش ف الموضوع طبعا كلكم عارفين ادمن اسلام؟!؟! مش عارفينه😂مش مهم؟! عايزين نشكرة ع مجهودة معانا والله 😂😂وهو المفروض اني احفل ع عمو اسلام بس مش مشكله😂😂😂ومن هنا ورايح اسمه عمو اسلام بس😂عشان بيزعل 😂🤘وتابعوة بيكتب بوستات حلوة😂ولا اقولكوا خطه وحش😂😂

المهم هنقول الاول اعداد اسنان وانياب الكلب

-* عدد الأسنان اللبنية = 28 موزعة كالتالي:

*14 على الفك العلوي ومثلها على الفك السفلي.(ميجيش واحد يقولي طب انا الكلب بتاعي عندة 26 او 27 هقوله انت مبتعرفش تعد او كلبك حرامي😂)
-
* عدد الأسنان الدائمة 42 موزعة كالتالي:
20 على الفك العلوي و 22 على الفك السفلي.
-* فترة التسنين للأسنان اللبنية: من 3 أسابيع – شهرين..
*- فترة التسنين للأسنان الدائمة: 12- 26 يوما.
سأعتمد التقسيم التالي:

2- مالسثلاث اسابيع – شهر:
: بداية نمو الأنياب اللبنية. (طبعا التعليقات هنا هيجوا يقولوا وهي لونها لبني هق هق هق مش هرد😑)

3- من عمر شهر – شهر 
 بداية نمو القواطع والطواحن اللبنية.

4- عمر شهرين:
 اكتمال نمو جميع الأسنان اللبنية.

5- من عمر ثلاث أشهر ونصف – اربعة أشهر:
عند الكلاب: لا مؤشر على بداية ظهور الأسنان الدائمة.

6- من عمر اربعة – خمس أشهر:
 بداية نمو القواطع الدائمة وبعض النمو في الطواحن والأضراس الدائمة. (وفي الوقت دة خاف ع بنطلونك😂)

7- من عمر خمسة – سبعة أشهر:
: ظهور الأنياب والطواحن والأضراس الدائمة واكتمال ظهور كامل الأسنان بعمر 7 أشهر.

8- عمر عام :
 الأسنان بيضاء ونظيفة .(يعني ممكن تخليه يعمل اعلان سيجنال😂😂)

9- من عمر سنة – سنتين:
: يبدأ ظهور الجير على الأسنان وحدوث اصفرار على الأسنان الخلفية.(قولولي بيشرب سجاير يالا ما البوست بتاعي بيبقا كباريه😂)

10- من عمر 3-5 سنوات:
: تراكم المزيد من الجير على كافة الأسنان وقد يظهر التسوس على بعضها.(هنا شرب حشيش)

11- من عمر 5-10 سنوات:
: زيادة ظهور مشاكل الأسنان وبدء تغير لون اللثة.
(وكدة انت تعرف ان الكلب بتاعك يا عايز اكل خفيف يا عايز طقم سنان😂😂). 

                                تحياتى:admin

سوال وجواب عن حمل الكلاب

سؤال و جواب في تربية الكلاب :-{ مهم جدا جدا}
موضوع ؟
1_أمتي اجوز الدكر؟
من سن 20 شهر

2_يقدر يتجوز كام مرة في الشهر ؟
يقدر يتجوز 4 نتي خلال الشهر بدون ما يأثر علية

3_اية الأكل اللى اقدر افيدة بية ؟
وجبة فراخ او كبدة نية مع خضار مفروم و الوجبة التانية دراي

4_اية الفيتامينات الأساسية للدكرة ؟
سيلنيم + سينتروم + فيتازانك + اوميجا 3

5_اية المشاكل اللي ممكن تحصل للدكر تقصر علي خصوبتة ؟
نقص الفيتامينات + كثرة الجوازات
نصيحة : خلي الدكر يجوع قبل كل جوازة ب12 ساعة و بعد الجواز اديلو مكافأة

6_أمتي اجوز النتاية ؟
من تاني حيضة

7_بجوزها في اليوم الكام من الحيض ؟
اليوم 9 و 11 و 13 أعلى ايام التبويض عند النتي

8_اية هي علامات الحمل ؟
في اول 3 اسابيع شهية الكلبة بتقل
من اليوم ال21 بيبان على بطنها و شهيتها بتزيد من اليوم 45 صدرها بيبان و اكلتها بتقل

9_مدة الحمل كام يوم ؟
متوسط 63 يوم

10_احسن اكل للنتاية الحامل ؟
لبن و بيض و كبدة و فراخ و خضار

11_اية الفيتامينات اللي ممكن أديها للنتاية ؟
أثناء الحمل كبسولات فيتاماونت حريمي
أثناء الرضاعة كبسولات كالسيمات و برشام هيربانا لادرار الحليب

12_ازاي اساعد النتاية في الولادة ؟ 
من اليوم ال 50 ابدء مشيها شوية
جهز مكان الولادة بنشارة و يكون بعيد عن اي مسببات إزعاج 90 % من عمليات الولادة بتكون طبيعية حالات نادرة اللي هتحتاج فيها البيطري

13_اعمل اية اول لما النتاية تولد ؟
خليك جنبها و راقبها في صمت 😂😂 و استني لحد ما هي تعطيك إذن للملس الجراوي

14_هبدء ارضعهم أمتي ؟
لازم النتاية تخلص و لادة نهائي علشان تبدء ترضع كل الجراوي

15_النتاية مش بتهتم بالجراوي كلها ؟
من الطبيعي انها تهتم ببعض الجراوي ذات الصفات الجسدية و الجينية الممتازة و تهمل البعض الاخر
( سلوك طبيعي = البقاء للاصلح )

16_طب ازاي اهتم بيهم ؟
مطلوب من سيادتك لمدة 13 يوم على مدار ال24 ساعة تكون متواجد بإستمرار مع النتاية و ترضع جراويها

17_امتي الجراوي هتفتح ؟
من عمر 13 يوم إلى عمر 15 يوم

18_ابدء اكلهم أمتي ؟
من سن 18 يوم ابدء قدم الحليب
من عمر 21 يوم قدم زبادي و سيريلاك و جبنة قريش
من عمر 25 يوم قدم مفروم لحمة و كبدة نية

19_اطعم الجراوي أمتي ؟
من سن 25 يوم  جرعة ديدان و جرعة حشرات
من سن 30 يوم جرعة ثنائي من عمر 45 يوم جرعة ثماني و بعمر 60 يوم جرعة ثماني منشطة

20_ازاي أختار الجرو المناسب ليا ؟
لازم تعرف انت هتربي كلبك لية
الكلاب شخصيات مش سلالات يعني هتلاقي جرو عندة شراسة فطرية و دة مناسب جدا للحراسة  و كلب تاني عندة جبن و خوف فطري و دة عاوز محترف للتعامل معاة و تحسين سلوكة
و جرو تالت هتلاقي همة يلعب ويجري بس و دة بيدرب بحث فأحسن إختيار الجرو علشان متظلموش معاك

21_طيب  انا جبت كلب قبل كدة و كان بيعمل حمام في كل حتة اعملة اية ؟
تدريب الكلب على الحمام معتمد اعتماد كلي على حاجتين' 1 _ تنظيم جدول مواعيد الاكل             2_ ملاحظة الجرو ، الطبيعي ان بعد الاكل بمتوسط 10 دقائق كلبك هيبقي محتاج يعمل حمام خدة على مكان الحمام و بعد ما يعمل كفاة أما الملاحظة فدي على مدار اليوم كل ما تشوفة هيعمل حمام ودية المكان بتاعة

22_طيب أمتي ادرب كلبي ؟
بتبدء تدربة من اول لحظة تجيبو فيها على أوامر الطاعة الأساسية و بتبدء بتدريبة اسمة اهم حاجة
بأنك تندهلة يجيلك و تكفاة و تلعب معاة
طيب واحدة واحدة ياسطي و عرفني بدربة ازاي
التدريب بإختصار شديد جدا بيكون بالLOVE : يعني اية طيب يعني تحب كلبك و تعلمة الصح بالمكفاة و تعلمة الغلط بالعقاب

انواع المكافآت :
صوتك و كلمات التشجيع ، طبطبة، أكل يكون الكلب بيحبة.

مراحل العقاب :
كلمة نهي و منع بصوت غاضب
حبس في بوكس عقاب لمدة 10 دقايق ممكن تضربة بصوابعك على رجلية آخر أنواع العقاب بتكون الخناق

نصيحة : - دايما اتعامل مع كلبك بصوت هادي خلي الزعيق لحظة العقاب علشان ميتعودش علية كلغة دايمة ليك .

23_طيب ابدء انزلة الشارع من عمر قد اية ؟
من عمر 3 شهور حلو اووي و متخليش حد غيرك يمسك ليش الكلب و ابدء سيبة يمشي وراك

24_بص ياسطي الكلب هاريني عض أعمل اية ؟
هاتلة عضاضة و لعب يطلع فيها غلة كل لما ييجي يعضك حط ايدك قصاد بوئة و ابدء عاقبة بمراحل العقاب اللي اتفقنا عليها فوق

25_ عاوز أخلي الكلب يأكل بني ادمين؟
مش قولتلك اختار الجرو اللي بيمتلك شراسة فطرية علشان يبقي سهل عليك المفروض هتأهلة للحراسة عن طريق استخدام غريزتة في العض في القماش و خلي الكلب يتعلق بلعبة و خلي المهاجم ييجي يسرقها و اول ما الكلب يهوهو مره  واحدة لازم  صاحبك يختفي وتحسس كلبك انة حماك من خطر قاتل وشجعة على الاستمرار في الهجوم و سيبة يعضة حتما ولا بد أن المهاجم يمثل الخوف على الكلب علشان يقوي من شخصية كلبك
و واحدة واحدة هيكون متألق في الشراسة و لازم مدرب علشان يصنع منة كلب مدرب صح

26_ الجرو تعبان ؟
روح للدكتور يا صاحبي و متستناش

27_طيب الرخصة اطلعها امتي ؟
من عمر 6 شهور هياخد تطعيم الشعار و يطلعلة الرخصة

28_ياسطي انا مش عاوز الكلب يخاف من القطط و الكلاب؟ 
أجري بية عليهم و عودة انك لما هتقولStop هيوقف هجوم عليهم

29_طيب بص الكلب كل ما احطلة جردل المياة يدلقة ؟
حطهولو في كاوتش عربية علشان ميعرفش يدلقة

30_ الحشرات اعمل فيها اية ؟
حمي الكلب ب4 سم بيوتكس لكل ليتر مياة و نضف المكان بنفس المقدار والكمية و كررةبعد10 ايام

طيب الديدان بقي أعم فيها اية؟
 حباية بيرافران لكل 10 كيلو وزن  ويتكرر بعد 14 ايام و جرعة الديدان بتتكرر كل 3 شهور

31_طيب ياسطي الحساسية اعمل فيها اية ؟
أدي الكلب حباية كيلارتين كل يوم لمدة 10 ايام  و ادهن جسمة مرهم لاميزيل 1%

 32_ في قشره ف شعر الكلب اعمل مع أمها اية ؟
حباية اوميجا3 كل يوم و أنسي القشرة

33_طيب احمية كل قد اية ؟
كل 15 يوم بصابونة كبريت و بشامبو ببيتادين
منقول للامانه

محمود السعيد

خبير فى تدريب الكلاب يقدم 5 نصائح للمربين قبل بدء تدريبات الطاعة

كشف ترافيس برورسين مروض الكلاب الأمريكى، والخبير فى تدريب الكلاب وتعديل سلوكياتهم الخاطئة لموقع "هوليوود لايف" الأمريكى عن 5 خطوات تساعد المربيين فى تجهيز كلابهم لتلقى تدريبات الطاعة وعدم التسبب فى المواقف المحرجة أمام العامة، وقال ترافيس يلجأ المشاهير دائماً لتدريب كلابهم على يد المختصين حتى لا يتعرضون لمواقف محرجة أمام جماهيرهم، فسلوكيات الكلاب السيئة كفيلة أن تجعل الانسان فى قمة الإحباط، لذلك نشر الموقع الأمريكى بعض النصائح التى قدمها ترافيس برورسين قبل البدء فى تدريب الكلاب.

جذب انتباه الكلب

بدأ المدرب الأمريكى حديثه بأن الكلب المدرب ليس للأثرياء فقط، ولماذا لا يدرب كل مربى كلبه بنفسه وبأسلوبه الخاص، وأول الطرق لكى تبدأ فى تدريب كلب هو السؤال عن الطريقة التى تجذب بها انتباه كلبك، وذلك من خلال البحث فى الكتب ومواقع الفيديو الشهيرة مثل "يوتيوب"، فهناك الكثير من المعلومات الرائعة التى يمكن أن تستخلص من المواقع والكتب.

الحذر من التدريب بأسلوب خاطئ

وثانى نصيحة قدمها ترافيس لمربين الكلاب، الحذر من ارتكاب الخطأ وقت التدريب، حيث إن هناك الكثير يخطئون فى توجيه كلابهم نحو الصواب، لكنهم يعتقدون أنهم فى الطريق الصحيح، لذلك يجب التفكير جيداً قبل كل خطوة فى هذا الإطار، فالأسلوب الخاطئ يشجع الكلب على ارتكاب المزيد من الأخطاء.

استخدام منزل الكلب كمكافأة له

ثالثاً أن يكون للكلب قفص خاص، فهو يحب فى نهاية يومه أن يبيت داخل المنزل وفى المكان المخصص له وهربا من التهديدات الخارجية ويساعد القفص أيضا على التدريب.

منزل الكلب ليس مكانا للعقاب

وحذر مروض الكلاب فى نصيحته الرابعة أن يكون منزل أو قفص الكلب مكانا للعقاب والعزلة نهائياً، ولابد من استخدامه كمكان إيجابى يتوجه له الكلب للراحة والاطمئنان، ولتحقيق ذلك يجب عدم حبس الكلب لفترات طويلة وعزله، ويجب إعطائه الطعام فى مكان إقامته، وأن يترك باب القفص مفتوحاً، كمل يجب نقل الكلب على قفصه إذا نام خارجه، وهذا من شأنه تعليمه مكان نومه وإعطائه الثقة والحب فى هذا المكان.

تدريب الكلب المتقدم فى السن ليس مستحيلاً

أما خامس نصيحة له، قال المدرب ترافيس، الكثير يتساءلون عن إمكانية تدريب الكلاب المتقدمة فى السن، والإجابة نعم بالطبع يمكن تعليم الكلاب التى تبلغ أعمارا كبيرة، ولكن قد يكون الكلب عاش لمدة سنوات بطريقة ما تعود عليها، لذلك إدخال سلوك جديد عليه، وإتقانه ليستكمل حياته به قد يستغرق بعض الوقت، ولكنه ليس مستحيلا فهو يتطلب بعض الوقت فقط.

كل شيء عن تدريب الكلاب .:((موضوع شاامل)):.

 كل شيء عن تدريب الكلاب .:((موضوع شاامل)):.

السلام عليكم و رحمة الله و بركاتة

ازيكم يا اعضاء منتدانا العزيز

الموضوع دا هاتكلم فية عن كل شيء في التدريب و كيفية التدريب و ما يتعلق به

-------------------------------------------------

من هو المدرب؟؟

صفات المدرب

على المدرب أن ينشئ رباطا عاطفيا قويا بينه و بين الكلب ، فعلى هذه العلاقة يعتمد نجاح التدريب و تقبل الكلب للتعليمات

أن يكون المدرب واثقا من نفسه ، ذا سلطة قوية .

أن يكون واسع الإطلاع على أمزجة الكلاب و طباعها .

أن يكون صبورا .

وقت التدريب

ينتظر الكلب ساعة الرياضة و التدريب بشوق كبير ، فهو يحب ذلك .... إلا إذا كان المدرب قليل المعرفة ، سيء المعاملة

لكن الكلب لا يحتمل الانضباط و التدريب لأكثر من ربع أو نصف ساعة في الحصة الواحدة . فالأفضل جعل التدريب اليومي مقسم على دفعات:

تدريب الكلب على القفص (صندوق

بسم الله الرحمن الرحيم

السلام عليكم ورحمة الله وبركاته،،،

أعضاء منتديات تدريب الكلاب الكرام ، موضوع تدريب اليوم من المواضيع الحساسة والبالغ الأهمية ، يرتبط بوجود الكلب ارتباطاً وثيقاً وهو من أساسيات تدريب الكلب

هل كلبك أو الجرو لديك يبكي إذا احتجزته في قفصه ؟

معلومات عن الجيرمن شيبر

الموضوع طويل اوي لان انا ناوي اشرح من عمر شهرين لحد سنة و ان شاء الله هعملهم علي اجزاء

بسم الله الرحمن الرحيم

لازم نبدا من الاول لما تيجي تشتري كلب غالبا بيبقي عندو شهرين (هشرح بعد كدة الجرو من اول اسبوع ) دة السن الكويس لانو ياخد عليك و تعرف تدربوا

المهم الاول نعرف شويه حجات عن الكلاب و انا بحب (البلاك جاك و الولف البلجيكي)

1-التغذيه

طبعا الكلب و هو عندة شهرين بيحتاج كميات اكبر من الاكل و افيد يعني وجبه لبن (كالسيوم) وعيش (فيتامين ب ) و سكر (طاقه) و صفار بيضه (بروتين)
الوجبه التانيه لحمة مفرومه و خضار ( ايوة متضحكش!! اول درس عامل كلبك كانو صحبك او ابنك انا لما بعمل شوربه لكلبي بحطلو ملح وفلفل و بصل كدة يعني)
المهم ان انتا فهمت انا قصدي إيه تشوف المفيد و تدهولو مش اي اكل و خلاص و طبعاً لازم تنوع الاكل لان المش موجود هنا موجود هناك

تدريب الكلب عدم الكل من الغرباء

بسم الله الرحمن الرحيم

لقد فكرت فى كتابةالموضوع هذا بعد ان رئيت بعينى حالات تسمم كلاب بعض الاصدقاء ان تدريب الكلب على عدم اخذ طعام من غريب ليس تدريب بل هوة حماية للكلب من محاولات تسمم ولان نبدا بكيف تدرب كلبك ملحوظة يحتاج هذا التدريب الى شخص غريب ...

1-على المدرب ان يعطى امر لكلبة بالجلوس ثم الثبات فى مكانة ثم يغيب عن نظر

الكلب.